السيمر موقع عراقي مستقل
السيمر / الثلاثاء 24 . 01 . 2017
عمار الحر
صدگ انت چنت فلته
وزمان الخير حافي چان
انت نعال (يبوعداي) لبّسته
وزمان الخير عاطل چان
انت ( يابن عفلق) بالجبهات شغّلته
وزمان الخير فاسد چان
وانت بسجنك أصلحته
زماااااااااااااان الخير مشرك چان
يصرخ ياعلي لو محنة تعّبته
وانت (يا أبو الأيمان) بدينك آمنته
ولك يابن صبحة يافلته
أبن العوجة يحلم يركب الجحشه
وبراس الغنم بالشبح ركّبته
حقّه اليوم من أجلك للشيشان باع اخته
وبتتك گالت بتكريت خيّرهم
معلم صار باحلامه
وانته ( بفطنتك ) دكتور نصّبته
صدگ انت چنت فلته
طحين من النوا سوّيت
وزمان الخير حتى حجار وكّلته
زمان الخير سافل چان
وانت (يا بن صبّوحة) بأخلاقك رفعته
زمان الخير عنوانه الخبث والشر
وانت من حليب الشرف رضّعته
زمان الخير مظلم چان
وأنت يا فلتة الفلتات بكهرباء
الحزب نوّرته
صدگ انت طْلعت فلته
قاسم بنى الثورة بيوت
وانت بثورتك لقاسم اعدمته
وعراق الچان للدنيا إرث وأمجاد
بين حروب ومحارب.. كوم حجار خلّفته
زمان الخير ثار حسين من ضيمه
وانت ( ياوليْ الامر) بسيف أجدادك ذبحته
ومن عباس ويّه الناس شال سلاح
بمدافع حقدك قصفته
وبعد شذكر زمان الخخخخخخخخخخخخخخخخخخخير
وادي النجف ما معروف
وانت يا زمان الخير
بموسوعة غينيس سجّلته
زمان الخير اريد اسئل
گلی بيمن تْرَسْته؟
باولاد الفلوجة لوتكريت والعوجة
لو ولد النجف والحلة والبصره
ولد الخايبات الماتن بحسرة؟
ولك صدگ انت طلعت فلته
زمان الخير جيش القدس
والحصة.. زمان الذل.. زمان العدموْ
أولاده وبچی عْلُيهم بالسكته
حروب وقهر وأعدامات
وسجون وجوع وثوب الذلّة لبّسته
بس لليوم عليك الشعب يتحسّر
گلی بيش لقّحته؟
ولك صدگ انت طْلَعِت فلته
ذيب انت على الخرفان من تعوي
ويوم الظرطت أمريكا
صِرْتْ جْرُدي بالفلته
ولمّن كِشفوْ الحفرة
مثل جدّك رأساً !!!! كشفته
ولسان الچان يأمر بالقتل والموت
بحْبال الجّبن شِنْقِته السكته
صدگ انت چنت فلته
زمان الخير داعش چان
بس بالزيتوني علّبته
چان الذبح بالبسكوت
وانت اليوم بلسان ايتامك اعلنته
زمان الخير عايش سلّمت
هذا الوطن للعوج
وميت للدواعش ايتام البعث
ولحرامي البيت سلّمته
كل حسرة وكل دمعة
وكل جرح ينزف بينا هذا اليوم
انت السبب بيه انت
لان هذا الوطن من اشرافه
فرّغته
وصدگ انت چنت فلته
ولك صدگ انت طلعت فلته
مع احترامي لكل الشرفاء في الوطن.ولكل من ينتقد سياسي اليوم الذين لم أجد فيهم شريف واحد, فهم شلة من اللصوص والسفلة و منبع لكل الرذائل, ومن يقل فيهم انا شريف فليقدّم حسابه للشعب قبل سقوط الصنم, وماذا يملك اليوم ؟.
