السيمر موقع عراقي مستقل
السيمر / السبت 21 . 10 . 2017
سلام الدليمي
وحده رادت تحتفل ويه رجلهه بعيد ميلاده ..
گالتله : حبيبي أبو عزيز خلينه نروح نحتفل بهاي المناسبه الحلوه بالگازينو ..
رفض أبو الزوز الفكره .
بس من كثر الملحه مالتهه وافق وأخذهه ..
أول ما نزلوو من التكسي ..
الحارس گله : شلونك خيي أبو الزوز .!؟
گالتله مرته : منين يعرفك هذا ؟!!
گاللهه : حبيبتي هذا چان ويايه بالمدرسه ..
دخلوو للگازينو إستقبلهم العامل إستقبال حار وگله : أهلين خيي أبو الزوز ..
نرگيلتك مثل العادة .!؟
مرته تخبلت : وهذا منين يعرفك ..!؟
گاللهه : لا حبيبتي لا يروح ظنچ لبعيد هذا چان ويايه بفريق المدرسه ..
إجه العامل الثاني گله : شلونك خيي أبو الزوز طاولتك فارغه تفضل .
مرته تسودنت گالتله : والنوب عندك طاوله خاصه هنا !!!
گلهه : لا حياتي إن بعض الظن إثم لا يروح فكرچ بعيد .. هذا ويايه بالدائره .
ضاجت حيل گالتله : يله أريد أطلع من هاي الگازينو الخايسه 😡وطلعت وهيه كلش معصبه
أشرت لتكسي وركبت وهوه ركب يم السايق .
السايق گله : هاي شنو أبو الزوز ؟
أشو اليوم ذوقك بالنسوان زفت .!؟
😁دعواتكم لأبو الزوز لأن هسه المسكين بغرفة العمليات يحاولون يطلعون چعب الحذاء من راسه .
