السيمر موقع عراقي مستقل
طوني حداد / لبنان
“فخامة الرئيس فلاديمير بوتين :
الله يسامحك ياريّس..لو عملتلك مشوار صوبنا عالضاحية وقعدتلك قعدة مع سماحة السيّد حسن على كاسة شاي “سيّاد” كنت اللي عم تعمله الآن عملته من 4 سنوات..
شنّو لأنّو سماحة السيد من 4 سنوات قال :
ذهبنا الى سورية لنحارب الارهاب دفاعاً عن لبنان..
ذهبنا لنحارب في سورية قبل أن يتمدد الارهاب الى مدننا وقرانا ومنازلنا”..
أمس يافخامة الرئيس أعلن مجلس الاتحاد الروسي بأن العمليات العسكرية الروسية في سورية هي درء لخطر تمدد الارهاب الى دول الاتحاد ..
لو زرت أيها القيصر سماحة السيد من وقتا كنت وفّرت على حالك 4 سنوات من “دبّي واعصري” بلا طعمة وبلا فائدة مع أميركا وغلمانها الأوربيين والعربان..فضلاً عن تحملك وصبرك واستقبالك لقرطة “مماحين” من جماعة الائتلاف السوري وأشباهه عاملين فيها معارضة سورية -انتا أكبر القدر- وهنن اتخن واحد والراس الكبير فيهم حقّو نص فرنك..أو نص “روبل” اذا بدك..
لو زرت السيّد حسن من 4 سنوات يافخامة الرئيس “بوتين” كنت وفّرت على حالك ماسبق من المتاعب ..
وكنت كسبت كاسة شاي “سيّاد” أكيد ماحدا بيعرف يعملها بكل دول الاتحاد السوفييتي السابق ..
واذا ماالك مراق بالشاي فخامة الرئيس ..ماعنّا مشكلة..
عنّا ليموناضة..
كمان ليموناضة “سيّاد”..
