السيمر موقع عراقي مستقل
حامد كعيد الجبوري
حين تكثُر الشبهات ، يشكك بالعدالة !!
****
سد شبابيج الضوه ..
الشمس للرايد يعيش
وطفي نيران الحلم …
أنت ميت …
وما يمر الطيف بعيون ..
الجثث
وسدها …
سدها بابك ..
راح ارجعلك ضحكتك
وانت ذاخرلي الحزن
أخذ حريتك حلال …
ومو حلال …
بالصلافه البيك تبنيلي !!
بهجرانك سجن
العشك عادل ..
للكلوب الصافية التنبع زلال
الله عادل ..
ما يسد باب المحنه
ولا حمل بالروح يبقه
الله يفتح ..
ألف باب ..
الله بيّه…
.. الله بينه الممتحن !!
