السيمر موقع عراقي مستقل
فيينا / الخميس 13 . 02 . 2025
وكالة السيمر الاخبارية
زاهر الشاهين
الواوي النذل فتح تقويم الأيام
گال ايه يوم ميلادك اسدنا حامل كل الاوسام
فكر وبكل وقاحة يونّس أبو خميّس
هديتك يا اسد لازم تكون لو ثور لو تيس
ملك غابتهم مايؤمن لا بالاعياد ولا بالابراج
همه الوحيد شلون يخمط …للصيد ابد ما يحتاج
اجا ذاك اليوم عيد ميلاد الأسد
راح أبو الويو يهني ملك غابتهم وللأبد
ضرغام البراري كان ماخذ له غفوه
صح سمعه ثجيل لكن إله سطوه
فز بهدوء وبكل ثقه
ضحك من شاف أبو الويو يلوي برگبته
ها يا ثعلب شعندك ما إلي وياك صحبه
يا ملكنا يا راعي الشرف والهيبه
اليوم عيد ميلادك وحبيت اذكرك
شتريد بهذا اليوم اقدملك
تبسّم أبو خميس وگال تدري شمشتهي
انا جنت صايم اريد لحمة هبر تشبعني
رد ابو الويو وهز ذيله بفرح
عندي الك صيد يخليك تمرح
زأر ملك الغاب وگال وينه
الثعلب خاف ومن رجفته گال مهلك علينه
سيدي شفت الشجره هناك تيس على الارض ممدود
تعبان مرّت من يمه رويحته تنود
هذا هديتي بعيد ميلادك ملكنا
انت ابو الخمطات انت املنا
وفق حرية الرأي والنشر يتم نشر هذه المادة والجريدة غير مسؤولة عما ينشر فيها من مواد واخبار ومقالات
