السيمر موقع عراقي مستقل
السيمر / فيينا / الاحد 29 . 03 . 2020
عباس راضي العزاوي
العراق من البلدان الماشيه على البركه ,ارهاب كصبنه كصب ومانهارت الدوله ,سقط ثلث العراق ومانهارت الدوله ,سقط نظام اخو شكحه ومانهار المجتمع ,اكو قوة غريبه تحكم خيوطه الله , الأئمة , الناس ماتعرف!!
كل مشكله تعصف بيه تهزه ولكن يمتصها بعد وقت شلون ما تعرف ,الخلافات بين القوميات والطوائف وبين أبناء الطائفة الواحده وهو نتاج شغل حكم البعث طبعا , صار ذبح صار قتل صار تهجير صار كلشي ومع هذا يرجع إلى وضعه ربما مو طبيعي جدا بس يرجع.
في دوله غير العراق وفيه هذه الكميات الهائلة من المسلحين والأحزاب والعملاء والخونه، سينهار ويتحول إلى غابه يحكمها البطش والوحشيه الى يوم يبعثون ,قوة عظيمه أعادت الاعتبار وشيدت الثقه وأصبحنا نتحدى ضباع البعث والعرب المجرمين
بورقه صغيره من النجف من رجل كبير غير خارطة الطريق واربك كل حسابات العدو
قوة خفيه منحت الجميع الثقه مع فرقتهم وتشظيهم فنحن نضعف نصاب بالقلق والإرهاق ولكن ننهض من جديد كأن شي لم يكن ,وهذا ما جعل كل صعاليك الغرب يجن جنونهم
الان موجة تكافل مهوله تعيد للناس هدوئهم ينحسر الوباء العالمي في العراق رغم العبثية واللامبالاة المخيفه .. شعب غريب بتركيبه أغرب…معدن مختلف عن العالم الخارجي
طبعا صعب جدا إقناع المهووسين بذلك ولكنها الحقيقة ,اي تعطيل الان في كل مرافق الدولة ومؤسساتها المختلفة سوف يتحول إلى حل كبير لقضية الوباء
الاشاعات التي أطلقها احباب المقبور لم تؤثر..انقلاب عسكري مناورات في الامارات ضغط في اربيل ردح في الأردن ,الدفع لقبول خيار محور الانبطاح الكامل .
كل هذه كلاوات مضحكه امام كلاوات العراقي الرهيبه , التزام بسيط لن يؤثر على الحياة وسينتهي موضوع الكورونا شرط عدم الاستهانه به ,لم اعد قلق على العراق بل على العالم الغربي وانهياره المحتمل .
بالمناسبة هناك من يتمسك بالذهاب إلى البارات والمراقص هنا في اوروبا رغم التحذيرات المتكررة يعني مو بس عدنه مسودنين .
