ياكرّادة

السيمر / الاثنين 11 . 07 . 2016

عمار الحر

بعد ماتنطفي انوارچ يا كرّادة
شلون يصير ظلمة البيت
وشموعه ارواح اولاده؟
وبعد ما تنشف دموعج ياكرّادة؟
الفرات اليوم منهن فاض
ودجلة من الحزن صرخات روجاته
يا كرّادة الصبح چذاب
إذا ما أشرقت شمس الوطن
من عين أولاده
وانِصْحچ وانا اخاف علیچ
لا تصرخين لا تسبّين لا شْتْمين
أخافن تزعل أمريكا
و تنكشف عورات السياسيين
وعنهم تكطع التموين
وبالثارات لا تْطلبين تره
يْزَعلون المْهمْشين
ويمكن يغضب بن سعود
ویربثنه أنتحاريين
وهيومن رايس تتحفّظ
ويهدد برفع الذيل ابو البحرين
یاکراده
علی الحِرگوچ لا تأشرین
هذولة هُمّ انفسنا
لا تحرجين البرلمانيين
والساده
يا كرّادة
اسئْلي بصوت مفجوعين
غراب البين.. ظافر العاني
والرّبع ابطال متّحدين
باچر وين؟
نحضر توابیت وچفانه
لو هَمْ بالهوا الشبّان
مدفونين
ياكرّادة ياكرّادة
تفو على الباعوا هل وطن
برخيص
من سياسيين وشيوخ
او سادة
باچر وين.. ولْيمتَهَ
يظل دمنه ثمن صفقات
السياسيين
باچر وين؟