عتاب ” شعر شعبي “

السيمر / السبت 06 . 02 . 2016

ناصر الثعالبي

مو سكران…
لكن بيه مس اجنان
مو سكران
مثوّل من رفيف الشوك
احسن رجفة الانسان
اتوسد بقايا اسنين
ملتفه ابعشك تعبان
يتعاتب ابموت الروح
هم شفتي ربيع ايموت الاغصان
حجي نسوان
مثل طرة فجر نعسان
يكتلني حجي النسوان
وانا بليل
ماو دع صباحه او بان
بس انا بحر ما يغدر السفان
مو سكران
لكن بالدروب اشجان
ما ميز طريق الليل
لابسني عمى الالوان
مو تارك حبيب ايعاتب الوجدان
او جرحي اغميج ما يتقبل النسيان
اضل ابوحدتي وي الكمر سهران
ياخذني حزن دفان