نجمة العشگ

السيمر / السبت 14 . 07 . 2018

ثريا الخميس

گالها
شلونچ يا نجمة وبالسما معلية
وانا باليل المواويل …
گالت احنا بخير كوّن انتم اهلنا بخير ….
گالها …وطيبين ؟؟
گالت
اييه بعدنا بخير والطيبة أصل بينا وما جفت حيل …
# وبعدنا نسامر النجمات لو چلچل علينا الليل ..،
اي ولك اي
وبعدنا العشگ مأخذنا ونناغيلك الف يا ليل ..
گالها
بشوغة گلب ملچو م اي گولي بعدنا.
اي بعدنا
نزامط بچلمات و من شفة الگصيده نصوغلك سبحة ومن خيط الشمس زنجيل ….
وبعد چلمة اعشگج حقيقة وما تفارگ شفتي يا ًً حبيبة وخل …
وبعد أيدي تمر بشفتج ديرم معرسين ونسمات شوگي تنثرچ هيل ….
گالت. يا دلة عشگنا الضاع صار سنين
يمته نعود …
بعدهي بشوگ تتناك الفناجيل ….
…. وبعد چلمة تعالوا لليود شوباش لگلببك ونين يبند الحيل …..
هذاك اني مثل اول اريد ولا تظني أنساچ
يا نجيمة العشگ مجنون
والعشرة تساهيل
يا نجمة العشگ مجنون. والعشرة تساهيل