ألأرعن

السيمر / الخميس 24 . 01 . 2019

ناصر الثعالبي

لأرعن خاننا في المخاض 

1

مد خيبته اعله الزمن….بلكي الزمن ينسه

ساوم على غفلته …..مقهور من امسه

الباع شمس الوطن..مايستحق شمسه

الوجع تحت الضلع….اتفززه همسه

لو شاخ بيك الوفه…..يرجع من اتلمسه

2

الريح من تنجبر ….اتدور زعلانه

تا خذ زبايل زلم…..كلمن العنوانه

والماعرف سجته…..يسبح بنسيانه

يتوالف ويه ….. الوكت مربوط بعنانه

نوبه يعته ……. ونوبه يعته وجدانه

3

بالليل يم غربته …… يتعارك ويه الطيف

لاهو يم صحبته ….. ولا هو غفوة صيف

ولا هو بوسة فجر… ولا هو حزة سيف

ولاهو نشوة خمر ….. تتسامر ويه الكيف

تايه يضل مرتهن…… يتعاتب ويه الزيف