السيمر موقع عراقي مستقل
السيمر / الجمعة 14 . 07 . 2017
عبد الكريم صالح العامري
فجرلي كلبك فرح
وانزف ضحكتك
حيل
واشعل لي فكرك
ضوه
تطفيلي عمر الليل
وارميني مره بورد
تحصدلي بيدر ويل
واكتلني بمحبتك
لاتعد قوه وخيل
ماريد شرع الدغش
لو منزل بتنزيل
٠٠
وماريد منك وطن
جنة عدن اسمه
وتحكمني شلة همج
واقبل لك القسمه
تنذرني طول العمر
بحروبه وبسلمه
وينباع بارخص ثمن
وانه احتضن رسمه
واتوزع ويه الخارطه
لو كالو نقسمه
وامشي عله كاعه نعش
متلفلف بعلمه
وخيراته كلهن نهب
وتعز علي نسمه
قبل الله بي امنت
بس كافر بصنمه
تعويذه شلته بغربتي
كعبه واحج يمه
وجهت وجهي اله
وتشاهدت ب اسمه
بمحبته كالو طغى
يامومن يعدمه
طلقة نصر يلماصرت
لاتبخل برحمه
بارضك ردتلي وطن
بي ارتقي واسمه
كبر واسمه وطن
واشكرلك النعمه
رجعني لترابك جذر
بي ينغفر اثمه
تعبني بيت الغرب
وهمومك وهمه
لافرح بيك الكلب
لاحققت حلمه
كبر بس لو كبر
واشكرلك النعمه
كبر شنهي الكبر
مارايد النجمه
كبر بس لو
كبر
