السيمر موقع عراقي مستقل
السيمر / الأربعاء 27 . 09 . 2017
كناس بغداد
وحدة تزوجت وصار عدها مولود تكول أجيت لبيت أهلي لحد ما طلع الاربعين مال أبني خابرني الصبح زوجي كال تحضري راح أجي أخذج صار أربعين يوم البيت وحشه بدونج تكول من كالي هيج كلت خل اعزز بروحي وكتله مراح ارجع اليوم اله بعد أسبوع 
هو اتعصب وسد التلفون ورجع بالليل خابرني كال هذا أخر كلام عندج كتله اي شو صار اسبوع وهو ما متصل وخلص الاسبوع أجه أخذني وبنص الطريق للبيت كال أني ما تحملت أبقى وحدي بالبيت وأتزوجت وحده وخليتها تعيش ويانه بالبيت وفهمتها عليج وانتي بحالج وهي بحالها وخليتها بالطابق الثاني 
تكول وصلت للبيت وبس أبجي وهو صعد يم الخاتون مالته وأسمع صوت مشيها بالكعب رايحه راجعه واربعه وعشرين ساعه كاشخه اله ويومين على هذا الوضع تكول نزل ثاني يوم كالي تعالي أصعدي وياي حتى تسلمين على العروس 
تكول طكيت من البجي المهم صعدت الدرج وكفت يم باب الغرفه فتح الباب واني أسمع صوت كعبها يقترب أني فقدت توازني وأغمى عليه وذب الماي على وجهي صحيت لكيت 
مشتري طلي 
وملبسه قواطي برجليه وكال هذا لسلامتج وسلامة الطفل 
وهذا درس حتى بعد ما تعاندين .
تكول / المشكله مو هنا الطلي ابن المطي ،يومين صوت ماطلع منه .
