السيمر موقع عراقي مستقل
السيمر / فيينا / الاحد 26 . 04 . 2020
حامد گعيد الجبوري
محمد رحيم نجم الجدوعي الشمري
عضو مؤسس لجمعية البيت العراقي للشعر الشعبي
متزوج وله ست اطفال خريج الدراسة الاعدادية تأثر كثيرا بالشاعر عبد الامير الفتلاوي البداية عام ١٩٩٠ بدأ في الكتابه وتتلمذ على الشاعر سيد نور الحسيني الكوفي وعرف بحور الشعر والأوزان ومنذ تلك الفترة اصبح شاعر مدينة الكفل
عضو جمعية الشعراء الشعبيين في بابل سابقا ولا حقا جمعية البيت العراقي للشعر الشعبي
وكانت له لقاءات مع القنوات الفضائيه كقناة كربلاء الفضائيه وقناة الانوار والمقدم حمزه حسين مطر وقناة المسار المقدم علي سلمان غالي وقناة العراقية المقدم الشاعر سمير صبيح وقناة المسيرة وقناة صلاح الدين وقناة النعيم الفضائيه وقناة الشعائر الفضائية
كتب يقول
خلك شاعر
انكل اجدامي امكابر من افوت…امشي يمك واني كل طولي جرح
تشوفني امفتش واجي ومشي واروح…بس وحكك طافي بعيوني الصبح
ومن كثر ما عودتهه اعله الجراح…بركبتي مااهيس الام الذبح
انه عندي المحنه تسيارة نهار…جرح البكلبي اداويه بالملح
مااورج سري لواقرب صديق…السر اذا يعبر الواحد ينفضح
انه ما خاف اعله سري من الصديق…خاف لا شامت يوجهلي قدح
ولذلك اعبر المحنه ابمرار … وارجع الذاكرتي وانطيهه مسح
احزان وجهي انزعهه البسهه ابكفاي…كلبي صاير فحمه بس وجهي سمح
ازرع ابخلكي وفه للاصدقاء…خلكي اطول حتى من خلك الفلح
اكشخ بشعري مثل صاية اشيوخ…من اشر بيدي تفتهمه الشرح
تستغلني اتريد جيه كالو فقير….على اجتافي اتريد تبنيلك صرح
مااطب للمعركه وبلا خوف…ومنها مااطلع ومكسور الجنح
اسهام يم عتبه اجدامي اتكسرت…وانه واكف منتصب مثل الرمح
من جواب العاقل ايحير السؤال…السؤال ابحكمه لازم ينطرح
اليشير اصحابه من ياخذ قرار…الربع كامو يسموا منبطح
الحسن من طلع رايح للقتال …والخيانه الفرضت اعليه الصلح
اصيل انته واضل انه وفيلاك
ومثل نخله انه اسديلك وفيلاك
اذا هجمت علي خيلك وفيلاك
ابابيل السمه تفزع اليه
وله أيضا
حرت ارد ادخل التاريخ من ياباب…وياباب اليوصل للعلى صرحه
افتش عن حقيقة حب علي الكرار…ردت عندي الحقيقه اتصير متوضحه
شفت امقفله البيبان بالسركاط …بس باب الصميده اكبالي منفتحه
كلت بسم الله لني داخل امن الباب…بساتين العلم جدامي متفتحه
تلكت حيرتي باكورت التاريخ…تكلي ياهله بالمعتني ومرحه
كول اشعندك وشتريد والمن جاي…وخفايه اهواي لنهه اكبالي منطرحه
اهنا نهج البلاغه اهناك ذاك اكتاب …عن حرب الجمل يوم الغدر طلحه
سكنة حيرتي وصرت انشد التاريخ…اريدك حب علي للوادم اتشرحه
كال اسمع انه ابتفصيل مااكدر…اخافن من اقصر ارتكب جنحه
علي كبلي انخلق وارجعله من احتار …خاف اتكول غالو شيعته ابمدحه
اذا نهج اابلاغه امن انكتب لليوم…حتى اهل المراتب داخو ابشرحه
واذا كلنه الزهد يازاهد اليدناك…كرصه امن الشعير اليابس وملحه
شفت بيك الكرم مولاي بالقرآن …تنطي الضيف وانته الشحتك شحه
وايد الزهره ورمت ماشكت لانسان…من كثر العمل والطحن بالرحه
كفلت ايتام يابن الكافل الاسلام…يابن سيد قريش وسيد البطحه
لوسرت الحرب تكتنفك الاملاك…جبريل الامين ايضلك ابجنحه
ضيغم بالحروب وراهب المحراب…صلب لين عجيب وشرعتك سمحه
الك تشهد شمسهه الردت امن امغيب…ماطر ليل وانته النايم ابصبحه
علي ابخيط الصبح يلظم نجوم الليل…صفن بيدك يحيدر بالفرض سبحه
وحين فجرت الحدباء كتب يقول
التوه خصر المسله وحومرابي اغتاظ…وحداد اعلنو بالوركاء شامل
يوم الي سمعنه انثلمة الحدباء…نخل البصرة صبح كله ذابل
انه طولي حضارة وعرضي الافاق…انه سومر ابوي وامي بابل
وانه اترابي مقدس ينحلف بيه…ماتدنس اترابي شما تحاول
وانه ماانهزم راية نصر فوكاي….لان غيرة علي الكرار شايل
انه عندي الصمت بالمعركه سلاح …انشد بالسكوت اشكثر كاتل
انه من اختنك اتنفس البارود…وغيمي اعله العده يمطر قنابل
وانه نفس المهارة امنصعد اعله الخيل…واذا انزل واحارب وانه راجل
واذا انطي الظهر ماتعني مهزوم…استصغرك معناته امنقاتل
عراقي انه اسد وسط الميادين…باسل منولد من ظهر باسل
بعثنه اول طلايع صحتوا ميلشيات…خايف واتهامك جان باطل
ناس اللي اجت عافت البسطيات…ترس ريته دخان المعامل
ولو تصدر الفتوى بالجهاد العام…ثق عالي اصلكم ينكلب سافل
وحك جف الوكع عطشان يم ماي
اودعك جسد بس الروح يم ماي
نذر لو فاتت اجنازتك يم ماي
بتشيعك اطشن واهليه
