ياصاحبي

السيمر / الاحد 29 . 07 . 2018

ثريا صبحي الخميس

يا صويحبي
شبيها روحك
احلًى روح
وبيها روحي
لا تلوم انت عليها
لا تذمها
@@@@@@@@@
روحي يمك
نجمة ومضيعة ضواها
نسمة ومشرٌگ هواها
تبقى چلمات المحنّه
طويره حرة تدور بينا
صورة وسط الروح ترجف
من يمر بيها الحرف
حلوه روحك
وطبعه لهواكم حافظينه
وعلى شفافي الشوگ بسمة
تخاف تفرح
والعشگ، وحشة بمدينه
همسة خجلت بالغزل
وعيون عطشانه محنة
عيوننا تبقى وحزينه
@@@@@
حلوة روحك لا تذمها
صد الي باوع علي
خلي عينك وسط عيني
خلي يتواصل حچينا
وك شگد حسافة
كل ليالي. العشگ مرت
وابد ما تذكر. تجينا
ليش شنهي الضار. كلي
الذنب ذنبك مو ذنبنا
هل سكتنا وما. حچينا
احنا للعشرة نصون .
وابد ما نعرف نخون
حلوة روحي، وسط روحك
روح شاعر
غاوية بحلو. المشاعر
وابد ما اسمح تذمها
لا تذمها.
@@@@@@@@
خلها الي ريحة وطنا
الذاكرينا
اتهجرينا اتغربينا
وابد للحب . ما نسينا
وعلى ضفاف الشوگ ذبنا
حلوة كعدات المسامر ،
من عشگنا شگد بچينا
وماشيكينا
الشامت اتصنت حجينه
صدگ جانت أحله صحبه
صغار چنّه
واللعب لايگ علينا
بيها كل هسمه بوطنا
احلًى صحبة هناك چنا
بيها كل ريحة وطنا
حلوة روحك لاتذمها